यही वैशाख १८ गते अन्तर्राष्ट्रिय मजदूर दिवसको दिन विद्यालयको प्रि स्कूल कक्षा युकेजीमा उतीर्ण भई ३९ जना विद्यार्थीहरुलाई विद्यालयले दीक्षान्त समारोहमा सम्मान गरेका छन् । विशेष अतिथि त्रिविका प्रा.डा. रामकृष्ण महर्जनको विशेष आतिथ्यता र विद्यालय व्यवस्थापन समितिका अध्यक्ष माधवलाल महर्जनको उपस्थितिमा उक्त कार्यक्रम सम्पन्न भएको थियो । विशेष अतिथि प्रा.डा. महर्जनले सवै विद्यार्थीहरुलाई दीक्षित टोपी लगाई व्यवहारमा पनि कुशल हुन शुभकामना दिएका थिए । त्यसैगरी अध्यक्ष महर्जनले कक्षा ५ सम्म प्रथम द्वितीय हुने विद्यार्थीहरुलाई मेडल प्रदान गर्नुभएको थियो । विद्यालयका प्रअ देवराज महर्जनको सभापतित्वमा इन्चार्ज सिर्जना आचार्यले कार्यक्रम संचालन गर्नुभएको थियो ।
