विद्यालयको हिरक जयन्तीको अवसरमा भुपु विद्यार्थी संघ अन्तर्गत २०५५÷५६ ब्याचद्वारा मृगौला परीक्षणसम्वन्धी कार्यक्रमको प्रस्ताव ल्याइएको छ । भुपु विद्यार्थी संघका अध्यक्ष श्री दुर्कमान महर्जनको उपस्थितिमा सो ब्याचका प्रतिनिधि श्री सचिर महर्जन र विद्यालयका प्रअ श्री देवराज महर्जनवीच भएको छलफल कार्यक्रममा उक्त प्रस्ताव अघि सारिएको हो । छलफलमा जेठ २८ गते शनिवार कार्यक्रम आयोजना गर्ने र भुपु विद्यार्थीको तर्फबाट मास वाकथन कार्यक्रम समेत गरी हरेक हप्ता एउटा एउटा कार्यक्रमको आयोजना गरी अन्त्यमा भव्य साँंस्कृतिक कार्यक्रमका साथ खानेकुरा परिकार मेलाको आयोजना समेत गर्ने प्रस्ताव आएकोले सो सम्वन्धी आवश्यक छलफल र तयारीको लागि जेठ महिनाको १५ गते गणतन्त्र दिवसको दिन विद्यालयमा भेला आयोजना गरिएको कुरा प्रअ महर्जनले सार्वजनिक गर्नुभएको छ ।
