हाम्रो बारे

यो विद्यालय पूर्णरूपमा सरकारी सामुदायिक विद्यालय भएकोले यसले अपनाउने सम्पूर्ण क्रियाकलापहरूलाई सोही सिद्धान्त बमोजिम लागू गर्ने प्रयास गरिएको छ । विद्यालयमा समतामूलक पहुँच, गुणस्तर एवम् आन्तरिक सक्षमतामा सुधार गर्न योजनाबद्ध प्रयास विद्यालय स्तरबाटै गर्नुपर्ने आवश्यकता महसुस गरी आधारभूत तथा प्राथमिक शिक्षा कार्यव्रmम, दोस्रोको सु?वातसँगै आर्थिक वर्ष (आ.व. २०५६÷०५७ देखि १२ जिल्लामा परीक्षणको रूपमा विद्यालय विकास प्रस्ताव निर्माणको प्रारम्भ गरिएकोमा परीक्षणबाट प्राप्त नतिजाका आधारमा यस योजनालाई आ.व. २०५८÷०५९ देखि देशव्यापी रूपमा विस्तार गरिएको थियोे । यसै क्रममा शिक्षा ऐन २०२८ (साताँै संशोधन २०५८) तथा शिक्षा नियमावली २०५९ (संशोधनसहित) ले विकेन्द्रीकृत शैक्षिक योजनाको रूपमा विद्यालयमा आधारित योजना, गाउँ शिक्षा योजना र जिल्ला शिक्षा योजनाको व्यवस्था गरिएको छ । यसै सन्दर्भमा, सबैका लागि शिक्षा कार्यव्रmम (वि.सं. २०६१–२०६६), विद्यालय क्षेत्र सुधार कार्यव्रmम (वि.सं. २०६६–२०७२) र विद्यालय क्षेत्र विकास योजना (वि.सं. २०७३–२०८०) मा विद्यालय विकास प्रस्तावलाई महत्वपूर्ण साधनको रूपमा निरन्तरता दिइएको छ ।
त्यही महत्वपूर्ण साधनलाई विद्यालय विकास प्रस्तावको महत्वपूर्ण नीतिगत व्यवस्था अनुरूप यस विद्यालयको योजना निर्माण र कार्यान्वयन गर्नेतर्फ सोच अघि बढाई निरन्तर रूपमा गुणस्तरीय शिक्षाका लागि प्रतिबद्धता सहित अघि बढिरहेको विद्यालयका ?पमा यस विद्यालयले हालै टिआई टिआई, बागमती प्रदेश सामाजिक विकास मन्त्रालय अन्तर्गत शैक्षिक गुणस्तरका लागि प्राविधिक विद्यालयको प्रतिबद्धतासहित योजना निर्माणमा जुटेको छ । योजना निर्माणले सरोकारवालाहरूको सहभागिता र क्षमता अभिवृद्धिमा निश्चित रूपले टेवा पुग्ने विस्वास लिइएकोे छ । योजना निर्माण, कार्यान्वयन र स्रोत परिचालन जस्ता कार्यहरूमा स्थानिय समुदायको सरोकार, सहभागिता, अपनत्व र जवाफदेहितामा पूर्णरूपले लागू गर्ने योजना बनाइएको छ । सबैका लागि शिक्षाको विश्वव्यापी घोषणा सन् १९९० तथा इन्च्योन घोषणा सन् २०१५, दिगो विकास लक्ष्य सन् २०१६–२०३० को विकास लक्ष्य नं. ४ः सबैका लागि समतामूलक तथा समावेशी गुणस्तरीय शिक्षाको सुनिश्चितता र जीवनपर्यन्त सिकाइका अवसरको प्रवद्र्धन गर्ने” जस्ता अन्तर्राष्ट्रिय प्रतिबद्धताहरू पूरा गर्नका लागि नेपाल सरकार प्रतिवद्ध रहेको र सन् २०३० भित्र दिगो विकास लक्ष्य हासिल गर्ने मुख्य साधनका रूपमा विद्यालय क्षेत्र विकास योजना सन् २०१६–२०२३ को सु?वात सन्दर्भमा पनि यस विद्यालय नमूना विद्यालय तथा प्राविधिक विद्यालय भैकन अगाडि बढिरहेको सन्दर्भमा थुप्रै आयामहरूमा वृत्ति विकास गर्नुका साथै दिनप्रतिदिन चुनौतिहरू थप्ंदै गएको महशुस गर्न सकिन्छ ।
नेपालको संविधान २०७२ मा प्रारम्भिक बालविकास शिक्षादेखि कक्षा १२ सम्मको विद्यालय शिक्षाको व्यवस्थापकीय जिम्मेवारी स्थानिय तहमा रहने व्यवस्था गरिएको छ । स्थानिय सरकार सञ्चालन ऐन २०७४ को परिच्छेद–३ गाउँपालिका तथा नगरपालिकाको काम, कर्तव्य र अधिकार अन्तर्गत दफा ११ उपदफा (२० को (ज) मा आधारभूत र माध्यमिक शिक्षा लगायत अन्य प्रकारको शिक्षासम्बन्धी नीति, कानुन, मापदण्डका अतिरिक्त योजना तर्जुमा, कार्यान्वयन, अनुगमन र मूल्याङ्कन तथा नियमन समेतको अधिकारको व्यवस्था गरिएकोमा ऐनले विद्यालय व्यवस्थापन समिति गठन तथा व्यवस्थापन, सामुदायिक विद्यालयको शैक्षिक पूर्वाधार निर्माण र मर्मत सम्भार, विद्यालयको नक्साङ्कन व्यवस्थापन लगायत अनुमति, स्वीकृति, समायोजन तथा नियमन समेतको व्यवस्था गरिएको परिवेशमा स्थानिय तहले विद्यालय शिक्षा सम्बन्धी शैक्षिक योजना निर्माण र कार्यान्वयनको लागि सहयोग पु¥याउने उद्देश्यले तयार गरिएको पुस्तिकामा समेत मिल्ने गरी यस विद्यालयको सर्वपक्षीय विकासमा ध्यान पु¥याउने हिसाबले हरेक योजनालाई अगाडि बढाइएको अवस्था छ ।